مش عارفه أتعامل مع ابني

السؤال

أنا تجوزت وسافرت عشت لوحدي أنجبت طفلين حملت وولدت وربيت لوحدي علمت نفسي بنفسي كل حاجة مكنش عندي أي خلفية عن الأمومة
بدون دخول في تفاصيل حصل مشاكل كتير وضغط كتير وعدم استقرار ولخبطة كتير خاصة في السنوات الأخيرة
ابني ٤ سنين بيحب الأحضان جدا وبيحب التلامس وبيحب الاطراء وكلمات الحب طول الوقت وأنا فجأة مبقتش طايقة ده خالص رغم إن مش طبيعتي كده
وعدى وقت كان في وحدة بجهل منها بتحضن ابني بالعافية وهو تعلم نفس الحركة وبقى بيعمل كده معايا ومع أخوه وأنا بقيت بتعصب وبزعقله ومبقتش طايقة كده وهو طول الوقت طول الوقت بيطلب إني أحضنه وأنا مش عارفة
هو صعبان عليا جدا وقلبي واجعني عليه وحاسة إني مش عارفة أديله أبسط حقوقه وفي نفس الوقت هو ممكن يطلب وأحضنه وبعدها بدقيقتين يطلب تاني وأنا بحضنه وأنا مش حابة وهو طبعا بحس بطاقتي غير إني مش طول الوقت بعرف استجيب خاصة مع انشغالي أو تكون ايدي مش نضيفة وبعمل حاجة في المطبخ مثلا ورفضي غالبا بيخليه يطلب أكتر
مش عارفة أنا ليه كده وازاي أرجع طبيعية؟

0
DrMarwa Elhabashi 11 شهر 0 الاجابات 134 مشاهدات 0

‫اضف اجابة

تصفح
تصفح